Pagbabalik ng Kahapon

Pagbabalik ng Kahapon ni Jemerick D. Emaas ng Naga City

Kasabay ng dilim na dala ng gabi

Ang liwanag ng buwan na lumapit sa aking tabi

Ginugunita at nag-mumunimuni

Sa mga araw na di ko makita ang aking silbi

Biglang umikot pabalik ang kamay ng orasan

Mga larawan ng hirap na naranasan

Pait at pighati man ang matagal na pinasan

Kahit sariwa pa ang mga sugat, patuloy pa ding lalaban

Mga manunuligsa ay biglang nagsilabasan

Sa sulatan man o madugong labanan

Isa lamang ang naging sandigan

Kung 'di ang tapat at buong panindigan sa bayan

Muli tayong bumabalik sa nakaraan

Isang mapanghamong pangyayari kaibigan

Disiplina at panalangin lamang ang kailangan

Pilipinas, patuloy ang bayanihan!

Nakapaang tinatahak ang masukal na landas

Mga kabataang inaasahan ng isang pantas

Namulaklak na tulad ng isang rosas

Busilak at puno ng pag-ibig na wagas

Liwanag ng araw ay muling sumikat

Pagkasabik at init ay dumampi sa 'king balat

Aral mula sa nakaraan ako'y minulat

Aking silbi pala'y maghayag sa pamamagitan ng pagsusulat